O venres, a sesión de Judah e a de Colectivooruga abren SonarHall e SonarClub ás 22h, respectivamente. Unha noite na que pasarán, polo primeiro escenario, os portugueses HHY & The Macumbas, os galegos DJ Ino & La Keise Band, Galis 115, Wasilkoski e Caino & Zinqin, e, pechando, o hipnótico directo do británico Shackleton e a sesión do incomparable The Gaslamp Killer. Mentres, en SonarClub, trío de actuacións de altísimo nivel co Underworld, Magnetic Man e Buraka Som Sistema, e sesións de DJ Sith, DJ Mehdi vs Brodinski y James Holden, encargado do peche co seu techno sinuoso para a pista de baile.

Consulta a programación do Venres 17

A segunda xornada de Sónar Galicia en SonarHall contará coas actuacións dos nacionais Lasers, do cuarteto de synth pop australiano Cut Copy, do prestixioso produtor británico Four Tet e do hip hop valente e provocador de Die Antwoord, con sesións dos galegos Ningunos DJs e Mr.Fishman a.k.a. Dr.Think, e un peche de luxo, co set de James Murphy. Mentres, en SonarClub abrirá Munchi, cunha das súas sesións de moombathon e breaks latinos, antes de que M.I.A. e Martyn ofrezan os seus respectivos e esperados directos; tras eles, trío de ases para pechar a noite bailando sen fin: Richie Hawtin, Radioslave y Boys Noize.

Consulta a programación do Sábado 18

Sónar 2011 presenta as actuacións de Underworld, Richie Hawtin, Magnetic Man, M.I.A., James Murphy, James Holden, Boys Noize, The Gaslamp Killer, Four Tet, Martyn, Buraka Som Sistema, Munchi e Radio Slave, entre máis de 250 artistas.

O festival, tanto en Barcelona como en Galicia, converterá os seus escenarios en grandes pistas de baile nas que se poderá gozar con algúns dos artistas máis relevantes da electrónica actual, tanto nacionais coma internacionais.


Por segundo ano, Sónar dobra a súa programación en dúas edicións, coa sede en A Coruña a funcionar a pleno rendemento en simultáneo coa de Barcelona. En Sónar Galicia actuarán varios dos artistas que tamén están presentes en Barcelona.

Este é o caso de proxectos como Underworld (veteranos e respectados coma poucos no eido electrónico), Magnetic Man, (que levan o dubstep por primeira vez a un público masivo), M.I.A. (co seu explosivo directo), Die Antwoord (impacto súbito desde Sudáfrica), Boys Noize (especialista en mover calquera pista co seu acid techno) e Four Tet (cada vez mais cómodo cos ritmos bailables), así como de djs da talla de James Murphy (house e disco de alta escola), Munchi (rey do moombathon, novo xénero que bebe do baile funk, da cumbia e do gettho-tech, entre moitas outras fontes), James Holden (un dos máis respectados djs do continente), The Gaslamp Killer (fabuloso e intrépido mesturador de estilos imposibles) ou Shackleton (persoalísimo executor de techno escuro próximo ao dubstep).

Cómpre destacar especialmente as catro incorporacións internacionais exclusivas de Sónar Galicia, encabezadas por Richie Hawtin, un dos djs mais populares do mundo, que actuará só en Sónar Galicia; igual que tamén o farán o holandés Martyn (hábil e innovador mestre do tech-step), o respectado dj británico Radio Slave e o explosivo binomio francés formado por DJ Mehdi vs Brodinski.

E, ademais deles, por suposto, varios dos mais interesantes artistas e djs da escena galega, como Judah, Mr.Fishman a.k.a Dr.Think, Ningunos DJs, Wasilkoski ou Galis115, entre outros.

EGO PASS. Compra os teus 20 segundos de gloria

¿Tes algo que dicir ante mais de 8.000 persoas? Todas as pantallas do escenario SonarClub o venres 17 de xuño no Sónar Galicia poden ser túas durante 20 segundos. Grava a túa mensaxe e a proxectaremos despois do concerto principal. Entra no eBay a partir do luns 9 de maio e comeza a puxar polos teus 20 segundos de gloria.

Prezo de saída: 1€ - PUXA FINALIZADA

Puxa Ego Pass Sónar Galicia para o venres 17 de xuño, a partir do 9 de maio.

EGO PASS inclúe: a proxección dun vídeo de 20 segundos coa túa mensaxe despois da actuación principal do escenario SonarClub + 1 acreditación para o festival.

*Ofertas únicamente dirixidas a persoas físicas. Queda prohibida a participación de empresas e marcas comerciais.

CONDICIÓNS LEGAIS

A primeira edición de Sónar Galicia puxo en relevo o grande potencial e talento de moitos dos grupos, produtores e proxectos que están operando agora mesmo dende a comunidade galega. Este ano 2011, e para a segunda edición do festival, Sónar Galicia segue descubrindo o máis interesante da escena galega actual, coa presencia xa confirmada de 9 proxectos artísticos que presentan un amplo e variado abano estilístico.

Caino & Zinqin presentan un espectáculo audiovisual no que os ritmos contemporáneos do primeiro (próximos á escena rave británica) se combinan coas imaxes que o segundo vai creando en directo especialmente para cada peza. “Contemporáneo” é tamén un concepto que encaixa perfectamente coa presentación do ColectivoOruga, fagocitadores de xéneros e estilos musicais (new wave, synth pop, indie rock, electro) cuxo resultado final evita cinguirse a calquera etiqueta establecida.

O novo proxecto do veterano dj galego Ino, Dj Ino & La Keise Band, inclúe a destacados músicos de jazz e funk, que achegan a súa calidade instrumental e moito groove a un discurso eminentemente orgánico que bascula entre o hip hop e o soul contemporáneo. Nunha liña similar poderíamos situar a Wasilkoski, dj de gran versatilidade que pasa con gran facilidade do electro-funk ao dancehall pasando polo pop sintético ou o techno-dub máis cálido.

Judah, álter ego de Andrés Grobas, mestura baixo este nome electro-funk, hip hop de nova cuña e beats contemporáneos. Mr.Fishman a.k.a Dr.Think e Dj Sith tamén se centran nos ritmos actuais, centrándose sobre todo no máis fresco chegado do Reino Unido: Uk funky, grime e calquera son no que destaquen os baixos elásticos e potentes.

A experimentación tamén ten o seu lugar entre os djs e selectores galegos: Galis115 é experto en introducir samplers e gravacións de campo nun contexto de electrónica envolvente; mentres, Ningunos Djs investigan nos sons máis vangardistas sen esquecer o baile, acudindo a miúdo ao deep techno, a IDM experimental ou o house clásico.

Con estes 5 novos espectáculos, Sónar Galicia 2011, 2.º Festival Internacional de Música Avanzada que se celebrará en A Coruña os días 17 e 18 de xuño, pecha a súa programación, que contará cun total de 28 actuacións.

James Murphy, unha das personalidades máis importantes da música no que levamos de século, chega a Sónar Galicia para ofrecer unha sesión especial chea de exquisito disco-funk-house tralo recente e apoteótico concerto de despedida da súa banda, LCD Soundsystem.

Four Tet é agora mesmo un dos nomes fundamentais da música contemporánea. Produtor de altísimo nivel, mestre da electrónica detallista e dj de gusto irreprochable, o inglés presentará en directo en Sónar Galicia as creacións do seu eloxiado último disco, “There Is Love In You”, e as súas recentes colaboracións con Burial, Thom Yorke e Caribou.

O holandés Martyn, figura clave das novas correntes que irmandan dubstep con electrónica, presentará os temas do seu próximo traballo con Brainfeeder —o selo de Flying Lotus— co seu novo formato de directo.

Matt Edwards, o home tras Radio Slave, leva máis de unha década entregando remesturas e temas propios na mellor tradición tech-house do continente, destacando como poucos en todos os seus traballos.

Por último, o tándem francés composto por DJ Mehdi vs Brodinski (expertos creadores de house filtrado e techno festivo desde Ed Banger e Turbo, respectivamente) promete algúns dos momentos máis excitantes no escenario SonarHall de Sónar Galicia 2011.


Últimas incorporacións a Sónar Galicia 2011

James Murphy (DFA/US)
Four Tet (Text/UK)
Martyn (3024/NL)
Radio Slave (Rekids/UK)
DJ Mehdi vs Brodinski (Ed Banger-Turbo/FR)

A 4.ª edición do festival na capital nipona acolle 5.000 persoas os días 2 e 3 de abril.

O festival presentou as actuacións estelares de Underworld djs (cun set especial), Flying Lotus, Dj Krush, Y. Sunahara e os galegos BFlecha e Mwëslee, ademais dos principais artistas xaponeses do momento.

Visita a galería de imaxes de SonarSound Tokyo.


Alto nivel artístico

A cuarta edición de SonarSound Tokyo presentou unha trintena de actuacións, entre as que destacaron a sesión de Underworld djs (Karl Hyde e Darren Price), que quixeron sumarse de forma altruísta e no último momento ao festival, para ofrecer un set de electrónica emotiva; o show de Flying Lotus, que estreaba novo formato de trío, con Dorian Concept nos teclados, y cun directo de jazz futurista de altísimo nivel; Y. Sunahara, cun vibrante directo de electrónica orgánica, e cos membros da banda ataviados de forma irónica con fundas de cor branca ao estilo dos empregados da central nuclear de Fukushima; e Dj Kentaro, toda unha estrela en Xapón, natural da zona de Sendai, a máis afectada polo terremoto.

Foron moi destacables tamén as actuacións dos artistas españois presentes no festival, BFlecha (que amosou a elegancia e o gancho das súas novas composicións) e Mwëslee (cun directo baseado no seu inesgotable arsenal de beats complexos). Mencións especiais tamén para a instalación do nipón Daito Manabe (que estará presente tamén o próximo mes de xuño en Sónar Barcelona), a arte sonora de Ryoji Ikeda, o show de Dorian Concept e o magnífico set de todo un veterano coma Dj Krush, entre moitos outros.


Un evento solidario en apoio o pobo xaponés

SonarSound Tokyo foi o primeiro evento cultural de importancia que tivo lugar na capital xaponesa despois dos tráxicos feitos do 11 de marzo. Sónar destinará á Cruz Vermella xaponesa os beneficios das entradas vendidas e os ingresos de merchandising de Sonarsound Tokyo, así coma o 25% das entradas de Sónar Barcelona e Sónar Galicia vendidas entre o 23 de marzo e 1 de abril.
Sónar quere agradecer sinceramente a todos os que fixeron posible a celebración desta edición tan especial de SonarSound Tokyo. Moitas grazas a todos.

Pulsa aquí para máis información de SonarSound Tokyo.

O produtor e dj canadense, figura clave do techno das últimas 2 décadas, súmase á programación de Sónar Galicia cun dos seus sets de alta precisión rítmica e tecnolóxica.

A súa esperada actuación en Sónar Galicia será programada para o sábado 18 de xuño.

Richie Hawtin, un dos máis importantes investigadores da música electrónica do noso tempo, reafirmará o seu compromiso cada vez máis radical coa tecnoloxía aplicada á mestura mediante unha sesión na que música, luz e vídeo conflúen nun impactante show.


Hawtin en Sónar Galicia

Richie Hawtin presentará un espectáculo audiovisual no que mesturará producións propias con temas alleos servíndose das últimas aplicacións de hardware e efectos para djs. Nun set que vai moito máis alá dunha simple sesión de dj, Hawtin incorpora os elementos audiovisuais como peza indisociable da súa proposta en vivo e como extensión natural do seu discurso musical.


Un clásico en vida do techno contemporáneo

O carisma e o talento de Richie Hawtin xa destacaban a principios dos 90, cando comezou a publicar os seus primeiros discos como Cybersonik, F.U.S.E. e Plastikman, e a súa figura non deixou de crecer en todos estes anos ata establecerse como un clásico en vida do techno contemporáneo e un dos artistas máis importantes do noso tempo.

Os creadores que van un paso “máis alá” –entre os que podemos incluír a bandas como Depeche Mode, Kraftwerk ou Daft Punk– son unha raza especial que conseguen callar entre o público xeralista á vez que alteran as reglas do seu propio xénero para levalo a un novo nivel. Hawtin é, sen dúbida, un deles. A recente edición de “Arkives”, luxosa caixa que reúne todos os seus discos e traballos audiovisuais como Plastikman, non fan máis que confirmar a Hawtin como o que é: unha figura imprescindible para comprender a evolución e o futuro da música techno.


Regreso ao techno do futuro

Nacido en Banbury (Oxfordshire, Inglaterra) en 1970, Hawtin mudouse aos 9 anos coa súa familia a Windsor (Ontario, Canadá), moi cerca de Detroit, cidade de orixe do techno tal e como o coñecemos hoxe. Interesado dende moi novo pola arte de vangarda e a tecnoloxía, a influencia de Detroit foi capital nos seus primeiros pasos como produtor e dj, marcados por un son contundente e ácido. Moi cedo, porén, comezaría a pulir asperezas e a atopar un discurso estético e sonoro moito máis persoal, no que o minimalismo (o famoso axioma de “menos é máis” aplicado ata as súas últimas consecuencias) e unha imaxe despoxada de calquera artificio xogaron un papel fundamental.
 
Coa cegada do novo século, Richie Hawtin entrou nunha segunda fase de ambición creativa. Coa estética minimalista perfectamente moldeada (a través do seu novo selo, M_nus, fundado en 1998), a súa preocupación concetrouse no sector tecnolóxico. Foi dos primeiros en incorporar o ordenador portátil nos seus sets, en investigar as posibilidades do formato mp3 e e perfeccionar e usar novos programas para mesturar e crear sons coma Final Scratch ou Ableton Live. Nos últimos anos, coa explosión do minimal techno alemán e a súa nova residencia en Berlín, Hawtin ten alternado sesións masivas de carácter máis hedonista coa súa incansable investigación nas novas tecnoloxías; ten explorado as posibilidades da rede social Twitter como ferramenta de comunicación entre DJ e público; e articulou un novo concepto de directo para a súa volta aos escenarios como Plastikman, cuxa xira tivo un dos seus momentos álxidos en Sónar 2010.


Richie Hawtin :: SonarClub :: Sónar Galicia :: Sábado 18 de xuño

Karl Hyde e Darren Price, de Underworld, acaban de ser confirmados como unha incorporación de última hora a SonarSound Tokyo 2011.

Debido á recente traxedia e as consecuencias posteriores ao terremoto e o tsunami do 11 de marzo, Karl Hyde e Darren Price ofreceron os seus servizos para o evento coa intención de recadar diñeiro para a Cruz Vermella xaponesa. Ambos queren contribuír de forma persoal en apoio a Xapón nunha situación tan difícil como esta. Karl Hyde e Darren Price traballaron xuntos durante moitos anos, e esta será unha sesión moi especial e pouco habitual para pechar a noite do sábado.
 
O venres 12 de agosto Underworld volverá a Xapón co seu show en directo para encabezar a programación de Sonicmania, a noite anterior a Summer Sonic.
http://www.creativeman.co.jp/sonicmania/
http://trafficjpn.com/underworld
 
En palabras de Karl: Non hai palabras para expresar a nosa tristeza ao ver o enorme sufrimento dun país ao que tanto amamos. Aínda que sabemos que nunca será suficiente, Xapón, os nosos pensamentos e pregarias estarán con vos  cada día.

Para máis información www.underworldlive.com


SonarSound Tokyo 2011

SonarSound Tokyo 2011 se celebrará en ageHa-Studio Coast los próximos 2 y 3 de abril, tal y como estaba previsto inicialmente, con varios de los artistas más importantes del panorama internacional y una importante presencia de músicos japoneses. SonarSound Tokyo cuenta con la colaboración de Red Bull Music Academy, que presenta su programación en la sala pequeña del ageHa-Studio Coast.

PROGRAMACIÓN:

Sábado 2 de abril 2011

SonarClub
Karl Hyde & Darren Price (Underworld DJs)
Flying Lotus
Y. Sunahara
DJ Krush
Ryoji Ikeda

SonarLab
Altz
Azzxsss
DJ Scotch Egg
Hiroshi Kawanabe

Red Bull Music Academy presents SonarDôme
Axel Boman
Daisuke Tanabe
Patrice Bäumel

SonarComplex
Masato TSUTSUI (Live visual) x Ametsub (Sound support)
Reiko Imanishi + Ken Furudate
Yousuke Fuyama
Qetic presents 'The Pineal Gland'

Domingo 3 de abril 2011

SonarClub
Battles
Rovo
Kode9
Takagi Masakatsu
DJ Baku
Seefeel
Open Reel Ensemble

SonarLab
dot i/o
De De Mouse
DJ Yogurt
Sabi
Bflecha

Red Bull Music Academy presents SonarDôme
Dorian Concept
DJ Kentaro
sauce81
Mwëslee
Hiroaki Oba
Kaito

SonarComplex
Shinro Ohtake x Minoru Hatanaka (ICC) talk session
Hideki Matsutake (Logic System/ Motion±) x Minoru Hatanaka (ICC) talk session
Shuta Hasunuma produced by Kenichi Aono (Beams)
Itaru Yasuda


Pulsa aquí para máis información de SonarSound Tokyo.

A 4ª edición de SonarSound Tokyo espera contribuír á recuperación da normalidade na vida da capital nipona, ao tempo que se converte en tributo aos damnificados da recente catástrofe.

Sónar achegará á Cruz Vermella de Xapón o 25% do importe das entradas vendidas de Sónar Barcelona e Sónar Galicia entre o 23 de marzo e o 1 de abril.

Dende que o pasado venres 11 de marzo chegaron as primeiras noticias do terremoto e o posterior tsunami no nordeste de Xapón, Sónar estivo en permanente contacto cos seus socios e amigos xaponeses para coñecer en todo momento o alcance real da situación.

Hoxe Sónar, de común acordo con Beatnik, o seu socio xaponés, decidiu seguir adiante coa celebración de SonarSound Tokyo. Nos próximos días continuaremos seguindo de preto todo o que aconteza na zona e se hai calquera cambio comunicarémolo enseguida. Queremos agradecer sinceramente o apoio recibido e, unha vez máis, expresar o noso profundo afecto a todos aqueles que sufriron as consecuencias de tan devastadora traxedia.

A estreita vinculación que uniu Sónar e Xapón dende os inicios do festival foi clave na toma de decisións que comporta a xestión do evento neste delicado momento. SonarSound Tokyo é un festival xaponés e, atendendo ao esforzo e vontade do país por restaurar a normalidade na vida de Tokío, Sónar considera que debe contribuír mantendo as datas previstas.

Coa premisa de que o festival sexa unha contribución positiva para as vítimas da catástrofe, Sónar entregará á Cruz Vermella de Xapón o 25% do importe das entradas que se vendan para Sónar Barcelona e Sónar Galicia entre o 23 de marzo e o 1 de abril. Tamén se acordou que os beneficios de SonarSound Tokyo serán doados, e que se recadarán doazóns dos artistas, a sala, provedores e convidados.

A relación de Sónar co Xapón
En palabras de Enric Palau, codirector de Sónar: A relación de Sónar co Xapón, a súa cultura e os seus artistas foi moi frutífera dende o comezo do festival. Nos seus 18 anos de vida, Sónar contou coa presenza de máis de 80 artistas xaponeses e, dende 2002, a nosa relación co país é aínda máis estreita pola celebración de SonarSound Tokyo. Pero quizais o máis importante desta relación de Sónar co Xapón sexan os fortes vínculos de amizade que establecemos con moitos dos seus artistas. Por este motivo, entristécenos profundamente a traxedia que están vivindo e queremos expresar o noso sincero afecto e solidariedade pola comunidade artística xaponesa e por todos os cidadáns que se viron afectados pola traxedia, ao tempo que amosamos a nosa admiración e respecto pola serenidade e coraxe que o pobo xaponés está amosando nesta terrible situación.


SonarSound Tokyo 2011

SonarSound Tokyo 2011 celebrarase en ageHa-Studio Coast os próximos 2 e 3 de abril, tal e como estaba previsto inicialmente, con varios dos artistas máis importantes do panorama internacional e unha importante presenza de músicos xaponeses.

Entre os artistas internacionais destacan as actuacións do grupo estadounidense de post-rock Battles; Flying Lotus (mestre do hip-hop instrumental) e Kode9; o festival presenta tamén algúns dos máis importantes artistas xaponeses da actualidade, como os xa consagrados Ryoji Ikeda e DJ Krush, ademais de Y. Sunahara, Takagi Masakatsu, Rovo, Azzsssx, DJ Baku, Altz, Sabi, dot i/o, Daisuke Tanabe e Open Reel Ensemble, os dous últimos presentes tamén na programación de Sónar 2011 en Barcelona, entre o 16 e o 18 de xuño.

SonarSound Tokyo conta coa colaboración de Red Bull Music Academy, que presenta a sua programación na sala pequena do ageHa-Studio Coast.

Mais información de SonarSound Tokyo aquí.

1.200 persoas pasaron o pasado sábado pola sala Roundhouse, no aperitivo de Sónar Galicia e Sónar Barcelona, nunha das mellares edicións de A Taste of Sónar na capital inglesa.

Buraka Som Sistema e The Gaslamp Killer actuarán na segunda edición de Sónar Galicia.

Todas as fotos de A Taste of Sónar en Londres aquí.


O produtor galego Noaipre, grande amante dos ritmos urbanos do Reino Unido, ofreceu por primeira vez a súa proposta de UK Funky e beats electrónicos de última xeración fronte ao público londinense.

Ademáis de Noaipre, destacaron a presenza da formación portuguesa Buraka Som Sistema, que estrearon 3 temas do seu inminente álbum nunha actuación moi vibrante e contundente; o dj e produtor norteamericano The Gaslamp Killer, un dos máis iconoclastas e persoais selectores musicais da actualidade; e o padriño do UK garage británico MJ Cole, que recuperou os seus xa clásicos “Sincere” e “Crazy Love” e mostrou as súas novas perlas de UK Funky.

Ademais deles, o programa completouse coa actuación de DELS (nova promesa do hip-hop británico), as vibrantes sesións de Axel Boman (cunha exquisita sesión de electrónica aberta), Benji B (mostrando a súa recoñecida sabiduría tras os pratos), Braiden (dominador da linguaxe dubstep e todas as súas múltiples ramificacións) e Tiger & Woods (misterioso dúo fascinado co espírito da cosmic disco).

Máis información sobre os artistas da Taste of Sónar en Londres aquí.


Chalk Farm Road
London NW1 8EH
www.roundhouse.org.uk

Ninja e Yo-Landi, os dous membros do grupo sudafricano Die Antwoord, son os protagonistas da curtametraxe “Umshini Wam”, dirixida por Harmony Korine, cineasta norteamericano con recoñecido gusto pelo sórdido e o freak, e director de películas tan iconoclastas como “Gummo” e “Julien Donkey-Boy” (ademais de guionista de “Kids” e “Ken Park”, ámbalas dúas de Larry Clark).



Na curtametraxe, de 15 minutos, Ninja e Yo-Landi dan vida a dous marxinados en cadeira de rodas armados con metralletas que soñan cunha vida mellor. Un traballo que encaixa perfectamente cos seus vídeos, caracterizados por un ton provocador e unha imaxe impactante, pouco frecuente no mundo do pop.



Die Antwoord actúan no Sónar Galicia o sábado 18 de xuño.

DELS, a nova sensación do hip hop británico grazas ao seu vibrante álbum de debut, “Gob”, completa a programación da Taste of Sónar en Londres.

As actuacións do produtor de Los Angeles The Gaslamp Killer, e o beatmaker español Noaipre súmanse á esperada actuación de Buraka Som Sistema en A Taste of Sónar, o avance de Sónar 2011 que terá lugar o 19 de marzo na sala Roundhouse de Londres. Os reis do kuduro volven a Londres tras dous anos para presentar o seu vibrante directo, un dos máis celebrados das últimas edicións de Sónar.

Red Bull Music Academy –repetindo a experiencia do ano pasado– encárgase de programar o segundo escenario do Roundhouse, para o que hai xa cinco nomes confirmados: o padriño do UK Garage MJ Cole, o Dj e prescritor da BBC Benji B, o membro de Rinse FM Braiden, o explorador nórdico do selo Pampa Axel Boman e o misterioso dúo disco Tiger & Woods, todos eles nun back to back que os manterá na mesa de mesturas durante toda a noite.

Clica aquí para ver as bios de todos os artistas.


A Taste of Sónar. Londres. Roundhouse.
19 de marzo de 2011

Entradas: £22.50 - Comprar
Apertura de portas: 7pm


Chalk Farm Road
London NW1 8EH
www.roundhouse.org.uk


A Taste of Sónar

Buraka Som Sistema (Fabric/PT)
The Gaslamp Killer (Brainfeeder/US)
DELS (Big Dada/UK)
Noaipre (Arkestra/ES)
MJ Cole (Prolific/UK)
Benji B (Deviation/UK)
Axel Boman (Pampa/SE)
Braiden (Rinse FM/UK)
Tiger & Woods (Editainment/EU)