Formado por tres das figuras máis importantes do xénero, Skream, Benga y Artwork, Magnetic Man é o primeiro proxecto procedente do dubstep que dá un salto adiante coa clara intención de chegar a un público masivo.

De feito, o seu debut homónimo colouse xa nos primeiros lugares das listas de vendas británicas e europeas, grazas a temas incribles da talla de “I Need Air”, “Fire” (con Ms. Dynamite), “Mad” ou “Perfect Stranger”, xunto á nova vocalista estrela do son UK, Katy B. Éxitos construídos cos vimbios do dubstep (breaks poderosos, baixos que retumban, hipnose rítmica) e que proxectan unha nova vía masiva para o chamado “continuum hardcore”, a liña que une ao jungle e toda a cultura rave co UK garage e as novas formas arredor do dubstep.

Cunha posta en escena de acordo co seu status e facturando temas deste calibre, o directo deste trío de ases será, sen dúbida, un dos momentos importantes de Sónar 2011.

http://www.magneticman.net