O trío sudafricano que revolucionou a escea musical no último ano. Ninja, Yo-Landi Vi$$er e DJ Hi-Tek mesturan rap, música de baile, raíces e unha estética única que só podería nacer no complexo caldo de cultivo cultural da súa Cidade do Cabo natal. Os reis do “zef” riman en afrikáans mesturado con inglés, sobre producións a medio camiño entre a rave e o gueto, e unha iconografía cruce de sexo, violencia da rúa e humor surrealista. En poucos meses tomaron Internet (ou como din eles, a interweb) con vídeos máis que orixinais que os convertiron nun fenómeno viral sen precedentes en Sudáfrica. Se o seu álbum de debut, o brutal “$o$”, cautivou a millóns de oíntes en pouco tempo, é no seu potente directo onde Die Antwoord desprega todo o seu arsenal sonoro e visual.

http://www.dieantwoord.com